فيصل بن نهار
06-03-2004, 07:29 PM
السلام عليكم
أسعد الله أوقاتكم بكل خير
بعد غياب اعود لكم بجديد
هذة قصيدة في الشتاء الماضي كنا بالقنص بحضور
سمو الأمير سعود بن عبدالله فكتبتها له ..
اقول ...
يا سعود بدلني عن الطير بغراب=طير يصيد من العدن والحباري
اعطيك كف وبرقعه وزود مركاب=واعلمك بطبوع زين المواري
اللي دعيته قانص باسم حطاب=يطير من عينه سواة الشراري
الحر الأشقر دارع تقل قصلاب=ومغرز كفه براس الفقاري
الصيرم المربوع ماهوب تلاّب=ولا ادور أقواع الشجر والمذاري
اليا انطلق سبقه من الكف نشاب=يا ويلكن من طيركن يا الحباري
عنده اليا ضايف مثل ضرب الأطواب=هذا الفعل يا مصقرين السباري
الطير من راعيه لاقيه بكتاب=وكثر الحكي عيب على اللي يماري
غادي خلا تايه عن الدرب والباب=ولا يميز اليمه ولا بالذواري
كنه الخلاوي يفهم الكيل وحساب=وبالليل ما يميز بياض النهارِ
العرج بيّن والجنا فيه دباب=وما يحط بالحربه عويد البواري
كل طير له رأس ومنسر ومخلاب=والطيب ما هو بالكبر والمواري
يا سعود بدلني عن الطير بغراب=طير يصيد من العدن والحباري
وسلامتكم
فيصل بن نهار السديري
أسعد الله أوقاتكم بكل خير
بعد غياب اعود لكم بجديد
هذة قصيدة في الشتاء الماضي كنا بالقنص بحضور
سمو الأمير سعود بن عبدالله فكتبتها له ..
اقول ...
يا سعود بدلني عن الطير بغراب=طير يصيد من العدن والحباري
اعطيك كف وبرقعه وزود مركاب=واعلمك بطبوع زين المواري
اللي دعيته قانص باسم حطاب=يطير من عينه سواة الشراري
الحر الأشقر دارع تقل قصلاب=ومغرز كفه براس الفقاري
الصيرم المربوع ماهوب تلاّب=ولا ادور أقواع الشجر والمذاري
اليا انطلق سبقه من الكف نشاب=يا ويلكن من طيركن يا الحباري
عنده اليا ضايف مثل ضرب الأطواب=هذا الفعل يا مصقرين السباري
الطير من راعيه لاقيه بكتاب=وكثر الحكي عيب على اللي يماري
غادي خلا تايه عن الدرب والباب=ولا يميز اليمه ولا بالذواري
كنه الخلاوي يفهم الكيل وحساب=وبالليل ما يميز بياض النهارِ
العرج بيّن والجنا فيه دباب=وما يحط بالحربه عويد البواري
كل طير له رأس ومنسر ومخلاب=والطيب ما هو بالكبر والمواري
يا سعود بدلني عن الطير بغراب=طير يصيد من العدن والحباري
وسلامتكم
فيصل بن نهار السديري