غريب على الخليج
08-04-2004, 03:27 AM
أربع جدران ... وظلام
وعين تبكي ما تنام
ودموع تواسيني
وما أظن تنّسيني
إني وحيد وسط الظلام
أربع جدران وساكتة
ساعة وصورة باهتة
تكلّموا ... ما أقدر أعيش
هذي الحياة الصامتة
نفسي أشوف ضي القمر
قبل لا يضيع باقي العمر
وأشيب أنا في وحدتي
وأبقى في النهاية ودمعتي
نرثي اللي راح من العمر
هو أكيد؟ ... ولا بعيد!؟ ...
إني أموت ... شيٍ أكيد إني أموت
لكن أموت؟ ... وفي سكوت؟
لا ما يصير ... قلبي يقيد
نفسي ونيس في وحدتي
يمسح لي دمعتي
يضْوي لي شمعتي
يشعل أمل في خاطري
يرسم فرح في ناظري
بس يا للأسف يا غرفتي
هذا الصديق بيخونني
وبـ بيعني بأرخص ثمن
... لأنه بشر
... لأن من طبعه الغدر
وفي النهاية بأكتشف
إن (الهوى) (شهوة غرام) ما تستمر
وإن الصديق اللي أبيه ...
فيني أنا
دمعي أنا
وهذا أهو اللي أبيه!
يوم القلم درى عن قصتي
دمعه انهمر ... دمعه انتثر
على صفحة ورق
على هيئة شعر يشكي الأرق
وجبينه يتصبب عرق
... من قصتي
... من الأمل اللي أحترق في داخلي
... من الفرح اللي رحل وما عاد لي
بس في النهاية ...
شمعتي بتنطفي
وبـ أعلن نهاية رحلتي
... في غربتي
... في غرفتي
وعين تبكي ما تنام
ودموع تواسيني
وما أظن تنّسيني
إني وحيد وسط الظلام
أربع جدران وساكتة
ساعة وصورة باهتة
تكلّموا ... ما أقدر أعيش
هذي الحياة الصامتة
نفسي أشوف ضي القمر
قبل لا يضيع باقي العمر
وأشيب أنا في وحدتي
وأبقى في النهاية ودمعتي
نرثي اللي راح من العمر
هو أكيد؟ ... ولا بعيد!؟ ...
إني أموت ... شيٍ أكيد إني أموت
لكن أموت؟ ... وفي سكوت؟
لا ما يصير ... قلبي يقيد
نفسي ونيس في وحدتي
يمسح لي دمعتي
يضْوي لي شمعتي
يشعل أمل في خاطري
يرسم فرح في ناظري
بس يا للأسف يا غرفتي
هذا الصديق بيخونني
وبـ بيعني بأرخص ثمن
... لأنه بشر
... لأن من طبعه الغدر
وفي النهاية بأكتشف
إن (الهوى) (شهوة غرام) ما تستمر
وإن الصديق اللي أبيه ...
فيني أنا
دمعي أنا
وهذا أهو اللي أبيه!
يوم القلم درى عن قصتي
دمعه انهمر ... دمعه انتثر
على صفحة ورق
على هيئة شعر يشكي الأرق
وجبينه يتصبب عرق
... من قصتي
... من الأمل اللي أحترق في داخلي
... من الفرح اللي رحل وما عاد لي
بس في النهاية ...
شمعتي بتنطفي
وبـ أعلن نهاية رحلتي
... في غربتي
... في غرفتي