جبران الشهراني
09-05-2004, 05:44 AM
السلام عليكم
اتمنى ان تنال اعجابكم هالقصيده واعذروني على التقصير واعذروني على طول القصيده
ياراكب تصميم عباد الصنم = تصميم وابداع وفخامه وانظمه
ركز عليه العبقري راقي الهمم = استاذ تويوتا بفخر وقدمه
مضمون فيه محركاته والنظم = تسلم يدين اللي زهاه وعظمه
عظمه عن كل اقرباه حتى زعم = ماعطاه ميزات الفوارق واكرمه
متميز الانساب فارق ن لقتحم = متميز حتى بشكل الأحزمه
لما نطحته كنه طلاب ن لدم = تقول فم الليث طلعة مقدمه
ولمنه قفا كن باكتافه ورم = دبّه وقوده والسيره واعلمه
واذا انطلق كنه شجاع ن لازهم = لا سمع ابن عمه بصوته يزهمه
لما رقا رجم ن تعلا للقمم = عجل ن تقول ان عالي الرجم اخزمه
لما انحدر مع خاوي ن كنه قسم = حر ن جناحينه تسابق مقدمه
وصوت المحرك كنه ترتيل القلم = بأخفاء الحذيفي والسديس اذا ادغمه
وغنّه علي جابر تقاسيم النغم = لله در اللي تفنن واحكمه
أحكم بميزاته ودقق لين أتم = حتى اشتغاله كنه ضحك وتمتمه
وبموخر الشكمان صفارة حكم = تعلن تعاشيق النمر لا ألقمه
كبسوله سواقها الفذ الشهم = لما نوى المطراش عبَا محزمه
صلّى وكبر وادعى ثم احتزم = ثم ودع ابنه خايف لا يتمه
من عقبها وجّه وخلاها قدم = ماهاب لو أن الطريق ملغمه
جبار عزمه مابيثنيه العتم = يعلوي الفيافي في الليالي المظلمه
من شايبه خذا الوصايا والشيم = عود ن غلامه قبل موته علمه
يقول لا جيت لديار أهل الخيم = فتكفى ياشوق ابوخدود موشمه
اقلط ببيت اللي بضيفه يبتسم = فالمبتسم للضيف عدوه يلطمه
تلقاه بيت ن فيه عود ن ملتزم = بيت ن يدّن النجر ذرو مخيمه
والبيت هذا مارد لحم النعم = عيش ن تضوف البيت شك ودرهمه
والنار من عود السمر تضرم ضرم = والعود الأزرق والسلوم متممه
والصحن فيه مفطح حيل الغنم = ودلال بن ن تتابع منظمه
انصه ولمح له وسلم واستلم= واعط الخبر وسط الرموز المبهمه
قل تراني جيت ياطب السقم = محدود وانت العلم مثلك يفهمه
شي ن حداني لين قصيت العقم = واعلنت بعدي عن ديار العولمه
ماللعدم لاحل بيت اهل الكرم= غير العزيمه واختراق الانظمه
والعلم هذا سر ياوافي القيم = والحر مثلك سر ضيفه يكتمه
العود قال ارحب ولاهميت كم = بيكون مهر اللي تجيك ملثمه
فز لكلام العود قال اسلم نعم = انا أشهد أنك تستحق الاوسمه
دخل بوسط اللعب قالو له حكم = فقال صن وفاز واللعب احسمه
خذا اللزوم وقال ياجالي العسم = تستر وكل مغامر ن لا تحرمه
حرّك وقال ان كان مولانا قسم = لعبث عبث ابو جنوب مختمه
وتناوش الروسي وغنّا واعتزم = ثم شمّر وفك الكبك من معصمه
واقبل عليهم حالف ن ما ينلزم = ماهاب واقبل والمقفص ينهمه
عرض عليهم كنهم والله نيم = واللي معه مصيون تمره واعجمه
واصل وخلا الطقم في هم وغم = في سافي البيدا عجاجه و حصمه
كريم ما يعطي ويتبعه الندم = يعطي ولا يبطي ولو صافي دمه
يحمي الحموله باليمين ام الشحم = ماكنها الا من حدايا محرمه
لو سلّمو الافغان بن لادن قسم = مافي ظهر موتر ماهو يسلمه
من شانها عوّد يزّم الحمل زم = حمل وسار ووصل ماحد ن كلمه
صدقت يابن عون قالو في القدم = من لايغبر شاربه مادسمه
وسلامتكم
اتمنى ان تنال اعجابكم هالقصيده واعذروني على التقصير واعذروني على طول القصيده
ياراكب تصميم عباد الصنم = تصميم وابداع وفخامه وانظمه
ركز عليه العبقري راقي الهمم = استاذ تويوتا بفخر وقدمه
مضمون فيه محركاته والنظم = تسلم يدين اللي زهاه وعظمه
عظمه عن كل اقرباه حتى زعم = ماعطاه ميزات الفوارق واكرمه
متميز الانساب فارق ن لقتحم = متميز حتى بشكل الأحزمه
لما نطحته كنه طلاب ن لدم = تقول فم الليث طلعة مقدمه
ولمنه قفا كن باكتافه ورم = دبّه وقوده والسيره واعلمه
واذا انطلق كنه شجاع ن لازهم = لا سمع ابن عمه بصوته يزهمه
لما رقا رجم ن تعلا للقمم = عجل ن تقول ان عالي الرجم اخزمه
لما انحدر مع خاوي ن كنه قسم = حر ن جناحينه تسابق مقدمه
وصوت المحرك كنه ترتيل القلم = بأخفاء الحذيفي والسديس اذا ادغمه
وغنّه علي جابر تقاسيم النغم = لله در اللي تفنن واحكمه
أحكم بميزاته ودقق لين أتم = حتى اشتغاله كنه ضحك وتمتمه
وبموخر الشكمان صفارة حكم = تعلن تعاشيق النمر لا ألقمه
كبسوله سواقها الفذ الشهم = لما نوى المطراش عبَا محزمه
صلّى وكبر وادعى ثم احتزم = ثم ودع ابنه خايف لا يتمه
من عقبها وجّه وخلاها قدم = ماهاب لو أن الطريق ملغمه
جبار عزمه مابيثنيه العتم = يعلوي الفيافي في الليالي المظلمه
من شايبه خذا الوصايا والشيم = عود ن غلامه قبل موته علمه
يقول لا جيت لديار أهل الخيم = فتكفى ياشوق ابوخدود موشمه
اقلط ببيت اللي بضيفه يبتسم = فالمبتسم للضيف عدوه يلطمه
تلقاه بيت ن فيه عود ن ملتزم = بيت ن يدّن النجر ذرو مخيمه
والبيت هذا مارد لحم النعم = عيش ن تضوف البيت شك ودرهمه
والنار من عود السمر تضرم ضرم = والعود الأزرق والسلوم متممه
والصحن فيه مفطح حيل الغنم = ودلال بن ن تتابع منظمه
انصه ولمح له وسلم واستلم= واعط الخبر وسط الرموز المبهمه
قل تراني جيت ياطب السقم = محدود وانت العلم مثلك يفهمه
شي ن حداني لين قصيت العقم = واعلنت بعدي عن ديار العولمه
ماللعدم لاحل بيت اهل الكرم= غير العزيمه واختراق الانظمه
والعلم هذا سر ياوافي القيم = والحر مثلك سر ضيفه يكتمه
العود قال ارحب ولاهميت كم = بيكون مهر اللي تجيك ملثمه
فز لكلام العود قال اسلم نعم = انا أشهد أنك تستحق الاوسمه
دخل بوسط اللعب قالو له حكم = فقال صن وفاز واللعب احسمه
خذا اللزوم وقال ياجالي العسم = تستر وكل مغامر ن لا تحرمه
حرّك وقال ان كان مولانا قسم = لعبث عبث ابو جنوب مختمه
وتناوش الروسي وغنّا واعتزم = ثم شمّر وفك الكبك من معصمه
واقبل عليهم حالف ن ما ينلزم = ماهاب واقبل والمقفص ينهمه
عرض عليهم كنهم والله نيم = واللي معه مصيون تمره واعجمه
واصل وخلا الطقم في هم وغم = في سافي البيدا عجاجه و حصمه
كريم ما يعطي ويتبعه الندم = يعطي ولا يبطي ولو صافي دمه
يحمي الحموله باليمين ام الشحم = ماكنها الا من حدايا محرمه
لو سلّمو الافغان بن لادن قسم = مافي ظهر موتر ماهو يسلمه
من شانها عوّد يزّم الحمل زم = حمل وسار ووصل ماحد ن كلمه
صدقت يابن عون قالو في القدم = من لايغبر شاربه مادسمه
وسلامتكم